დილით, ესტონეთში, ტალინი-ნარვას გზატკეცილის 30-ე კილომეტრზე სარეისო ავტობუსი ამობრუნდა, რომელშიც 67 ადამიანი იმყოფებოდა, მათ შორის, ორი მძღოლი. ამის შესახებ ადგილობრივი მედია იუწყება.
ინციდენტი ადგილობრივი დროით, 4:45 საათზე მოხდა. ავტობუსი სანკტ-პეტერბურგი-ტალინის რეისს ასრულებდა.
მომხდარის შედეგად, 9 ადამიანი დაშავდა, რომელთაგან 4 ლატვიის მოქალაქეა. დაშავებულები საავადმყოფოში გადაიყვანეს.
ავარიის სავარაუდო მიზეზად ავტობუსის გაუმართაობა სახელდება.