ავსტრალიის ტყეებში ხანძრების გამო მასშტაბური ევაკუაცია გამოცხადდა. ამ ინფორმაციას „ბიბისი“ ავრცელებს. გამოცემის ცნობით, ვიქტორიას შტატში მცხოვრები ათასობით ადამიანი იძულებული გახდა საცხოვრებელი სახლი დაეტოვებინა.
შეგახსენებთ, რომ ავსტრალიის ტყეებში 2 თვეზე მეტია ტყის ხანძრებს ებრძვიან, სადაც ამ დროისათვის 100-ზე მეტი ხანძრის კერაა. ამასთანავე, ქვეყანაში ჰაერის ტემპერატურა 40 გრადუსს აღემატება, რაც ხანძრის ჩაქრობას კიდევ უფრო ართულებს. ხანძრების შედეგად ავსტრალიაში მილიონობით ჰექტარი ტყის მასივი დაიწვა და ათასზე მეტი სახლი განადგურდა. სტიქიას 9 ადამიანი ემსხვერპლა.