კიმ ჩენ ინი მმართველ პარტიას „პოზიტიური და შეტევითი ზომების“ გატარებისკენ მოუწოდებს

ჩრდილოეთ კორეის ლიდერმა კიმ ჩენ ინმა მმართველ პარტიას ქვეყნის უსაფრთხოების უზრუნველყოფის მიზნით „პოზიტიური და შეტევითი ზომების“ გატარებისკენ მოუწოდა, - ამის შესახებ ინფორმაციას „როიტერსი“ ჩრდილეთ კორეის სახელმწიფო მედიაზე დაყრდნობით ავრცელებს.

მათივე ინფორმაციით, მმართველი „მუშათა პარტიის“ მაღალჩინოსნებთან გამართულ შეხედრაზე კიმ ჩენ ინმა განაცხადა, რომ ქვეყანა უნდა გააქტიურდეს საგარეო საქმეთა საკითხების, საბრძოლო მასალის წარმოებისა და შეიარაღებული ძალების მიმართულებით და საჭიროა „პოზიტიური და შეტევითი ზომების“ გატარება იმისათვის, რომ ქვეყნის სუვერენიტეტი და უსაფრთხოება უზრუნველყოფილი იყოს.

ჩრდილოეთ კორეის ლიდერმა კიმ ჩენ ინმა შაბათს მმართველი პარტიის მაღალჩინოსნები ჩრდილოეთ კორეასა და აშშ-ს შორის ბოლო დროს დაძაბული ურთიერთობების ფონზე ფხენიანში მიიწვია. დაძაბულობის მიზეზი ისაა, რომ თვის ბოლოს იწურება ვადა, რომელიც ფხენიანმა ვაშინგტონს ბირთვულ პროგრამასთან დაკავშირებით მისცა.

ჩრდილოეთ კორეა აშშ-ს მოუწოდებს, მოლაპარაკებების გასაახლებლად ახალი მიდგომა შესთავაზოს და აფრთხილებს, რომ წინააღმდეგ შემთხვევაში ფხენიანი „ახალი გზით“ იმოქმედებს. აშშ-ს სამხედრო მეთაურები ვარაუდობენ, რომ „ახალ გზაში“ შესაძლოა გრძელი რადიუსის რაკეტის გამოცდა იგულისხმებოდეს.

იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
ქართული პრესის მიმოხილვა 07.08.2020
გიორგი პერტაია - სავაჭრო პალატა მეწარმეებს ბიზნესის მხარდამჭერ ყველა პროგრამას ერთ ონლაინ პლატფორმაზე სთავაზობს
ახალი Galaxy Note 20 და Note 20 Ultra წინასწარი შეკვეთა დაიწყო
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში