რომან გოცირიძე - ამ წელს არაფერი ნათელი არ მომხდარა, იყო ფასების ზრდა, ლარის გაუფასურება, ოპოზიციის დევნა, გაჩნდნენ პოლიტპატიმრები

ამ წელს არაფერი ნათელი არ მომხდარა, იყო ფასების ზრდა, ლარის გაუფასურება,ოპოზიციის დევნა, პოლიტპატიმრების გაჩენა, რაც იმის წინაპირობაა, რომ ეს ხელისუფლება წარუმატებლად ამთავრებს თავის რვაწლიან მუშაობას, - ამის შესახებ ფრაქცია „ნაციონალური მოძრაობის" თავმჯდომარემ, რომან გოცირიძემ „ინტერპრესნიუსს“ 2019 წლის შეფასებისას განუცხადა.

როგორც გოცირიძემ აღნიშნა, „მიმდინარე წელი იყო ძალიან მძიმე პოლიტიკური წელი ქვეყნისთვის“.

„ეს იყო ერთ-ერთი ყველაზე ცუდი წელიწადი, ვინაიდან აშკარად შეინიშნება ქვეყნის რუსეთისაკენ გადახრა, რომელსაც მრავალი ფაქტი მოწმობს. 7-წლიანი ისტორია ანაკლიის პროექტის ფაქტობრივად ამ წლის ბოლოს ჩაიშალა და ის არ განხორციელდება, სანამ იქნება ეს ხელისუფლება. ასევე, გავრილოვის ვიზიტთან დაკავშირებულმა მოვლენებმა კიდევ ერთხელ აჩვენა, თუ რამდენად არის საქართველოს ხელისფულება დაკავშირებული რუსეთთან. ამ წელმა გვიჩვენა, რომ ხელისუფლების მთავარი მიზანია არა ქვეყანაზე ზრუნვა, არამედ საარჩევნო ინტერესების დაკმაყოფილება და ძალაუფლების შენარჩუნება და ამ ძალაუფლების შენარჩუნებაში რუსული ფაქტორის გამოყენება. ერთ-ერთი სამარცხვინო წელიწადი იყო ჩვენი პარლამენტის ისტორიაში, როდესაც პოლიტიკური ნიშნით ხდებოდა ადამიანების დევნა, ნიკა მელიასთვის უფლებამოსილების შეწყვეტა და განსაკუთრებით ის აღმაშფოთებელი ტყუილი, რომელიც ჩაიდინა ივანიშვილმა და მოატყუა ყველა, ქვეყნის შიგნითაც და მის ფარგლებს გარეთაც და პროპორციული არჩევნებზე გადასვლის დაპირება არ შეასრულა. ამ პარლამენტის მორჩილებისა და უუნარობის სიმბოლო გახდა ვიზუალური მხარე, როდესაც დეპუტატები პარლამენტში შედიოდნენ შეპარვით, კვერცხების დაშენითა და სტვენის თანხლებით“, - განაცხადა გოცირიძემ.

მან ასევე ისაუბრა უზენაესი სასამართლოს მოსამართლეების არჩევაზე და ამ პროცესს პარლამენტის ისტორიაში ერთ-ერთი სამარცხვინო ლაქა უწოდა.

„პარლამენტში განვითარდა ძირითადი მოვლენები და პარლამენტი გახდა მიმდინარე მოვლენების პოლიტიკური კრიზისის სახე. ამის ერთ-ერთი გამოვლინება იყო სწორედ კლანური სასამართლო სისტემის გაძლიერება და უზენაესი სასამართლოს მოსამართლეებად „კლანის“ წევრების და ივანიშვილის მიერ შერჩეული ადამიანების დასმა, რითაც ფაქტობრივად მოხდა სრულიად დამორჩილება არაფორმალური მმართველის. არაფერი პოზიტიურად გასახსენებელი ამ წელს არ მომხდარა. 2020 წელს კი, არაფორმალური მმართველობის ბოლო წელი იწყება. პარლამენტის ბლოკირება, პიკეტირება, მწვავე პროტესტი გაგრძელდება მანამ, ვიდრე არ იქნება მიღებული ისეთი საარჩევნო კანონი, რომელიც უზრუნველყოფს აზრის თავისუფლად გამოხატვას“, - განაცხადა რომან გოცირიძემ.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო