კავკასიის საერთაშორისო უნივერსიტეტში, საერთაშორისო სამეცნიერო კრებულის - „კონსტიტუციონალიზმი - მიღწევები და გამოწვევები“ პრეზენტაცია გაიმართა, რომელსაც ესწრებოდენენ ქართველი კონსტიტუციონალისტები, საქართველოს ვიცე-პრემიერი და იუსტიციის მინისტრი თეა წულუკიანი, ასევე უნივერსიტეტის აკადემიური და ადმინისტრაციული პერსონალი.
საერთაშორისო სამეცნიერო კრებულის - „კონსტიტუციონალიზმი - მიღწევები და გამოწვევების“ რედაქტორები და გამომცემლები მინდია უგრეხელიძე და ბექა ქანთარია არიან. პრეზენტაციაზე საზოგადოებას მიესალმნენ: უნივერსიტეტის რექტორი კახაბერ კორძაია, ასევე სამეცნიერო დეპარტამენტის უფროსი სესილი გოგიბერიძე, იუსტიციის მინისტრი თეა წულუკიანი, კავკასიის საერთაშორისო უნივერსიტეტის აფილირებული პროფესორი ბექა ქანთარია, ილიას სახელმწიფო უნივერსიტეტის პროფესორი, კრებულის თანაავტორი კონსტანტინე კუბლაშვილი, კრებულში შესული სტატიების ერთ-ერთი მთარგმნელი ნიკოლოზ ჯაში.
„დამსწრე საზოგადოებას წიგნის მნიშვნელობაზე მინდია უგრეხელიძე ესაუბრა. პრეზენტაციაზე აღინიშნა, რომ კრებული ხელს შეუწყობს ქართული კონსტიტუციონალიზმის დამოუკიდებელი სკოლის შექმნას.
საერთაშორისო სამეცნიერო კრებულში შესულია 15 უცხოელისა და 12 ქართველი კონსტიტუციონალისტის სტატიები კონსტიტუციონალიზმის მნიშვნელოვან საკითხებთან დაკავშირებით. კრებული ეძღვნება საქართველოს დამოუკიდებლობის აღდგენის, ქართული კონსტიტუციონალიზმისა და პარლამენტარიზმის 100 წლის იუბილეს.
კრებული გამოსცა გამომცემლობა „უნივერსალმა“, - ნათქვამია ინფორმაციაში.