კახა კალაძე სანაგვე ურნებში 3 მილიონის გადახდაზე - ეს არის მიწისქვეშა სანაგვე ურნები, ნაგვის გატანას ვერავინ დაინახავს, არც სუნი შეგაწუხებთ, ვფიქრობ, ძალიან მაგარია

ეს არ არის უბრალო სანაგვე ურნები, ეს არის სპეციალიზებული ურნები, რომელიც ავტომატიზირებულია და არის თანამედროვე, - ასე პასუხობს დედაქალაქის მერი კახა კალაძე სანაგვე ურნებში სამი მილიონის დახარჯვის თაობაზე გამოთქმულ კრიტიკას.

როგორც კახა კალაძემ ჟურნალისტებს განუცხადა, თავდაპირველად ეს ურნები ვაკეში განთავსდება.

"ეს არის მიწისქვეშა ნაგვის ურნები, რომელიც არის სიახლე. ეს არის საპილოტე პროექტი, რომელსაც პირველად ვახორციელებთ ჭავჭავაძის გამზირზე. ეს არ არის უბრალო სანაგვე ურნები, ეს არის სპეციალიზებული ურნები, რომელიც ავტომატიზირებულია და არის თანამედროვე, სიახლე და იქნება განთავსებული მიწის ქვემოთ. დღეს ყოველდღიურად გვიწევს ნაგვის გატანა, ამ კონკრეტული პროექტის განხორციელების შედეგად კი შეიძლება კვირაში ერთხელ მოგვიწიოს. ავტომატურად მიდის შეტყობინება, როცა ნაგვის ურნები იქნება გადავსებული, შესაბამისი მანქანა ავტომატურად იქნება, ამ ნაგვის გატანას ვერავინ დაინახავს, არც სუნი შეგაწუხებთ, არც ვიზუალური მხარე. ვფიქრობ, ძალიან მაგარია. სხვათაშორის, საერთაშორისო ვალდებულება გვაქვს აღებული და ნარჩენების მართვის თვალსაზრისით დაწყებული გვაქვს უკვე სეპარირების პროგრამა, რაც დიდ თანხებთან არის დაკავშირებული, თუმცა ჩვენ ყველას გვინდა ევროპელობა და იმ დიდ ოჯახში გაწევრიანება, რასაც ევროპა ჰქვია და რა თქმა უნდა, მოგვიწევს ამ რეფორმების გატარება,“ - განაცხადა კახა კალაძემ.

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 01.03.2021
სახელმძღვანელო სტარტაპერებისთვის - როგორ ხდება კადრების აყვანა კომპანიებში და რა ბენეფიტებს იღებენ დასაქმებულები
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა