ირანი ერაყსა და სირიაში პროირანულ პოზიციებზე თავდასხმის გამო აშშ-ს საპასუხო ზომების მიღებით ემუქრება. ქვეყნის საგარეო საქმეთა მინისტრის, აბას მოსავის თქმით, ვაშინგტონი პასუხისმგებელია იმ შედეგებზე, რომელიც მის უკანონო შეტევებს მოჰყვება.

„ამერიკის შეერთებულმა შტატებმა ღიად გამოხატა ტერორიზმის მხარდაჭერა და გვაჩვენა, როგორ უგულვებელყოფს სხვა ქვეყნების ეროვნულ დამოუკიდებლობასა და სუვერენიტეტს“, -განაცხადა მოსავიმ.

მისივე თქმით, აშშ-ს მოუწევს პასუხი აგოს თავისი ქმედებების გამო.

შეგახსენებთ, რომ პენტაგონის ინფორმაციით, აშშ-ის სამხედრო ძალებმა, „ქათაიბ ჰესბოლას“ შეიარაღებული დაჯგუფების წინააღმდეგ ერაყსა და სირიაში „თავდაცვითი დარტყმები“ განახორციელეს. შეტევა ირანის მიერ მხარდაჭერილი ძალების პოზიციებზე განხორციელდა.