შემოსავლების სამსახურის უფროსმა უწყების 47 წარმატებულ თანამშრომელს მადლობის სიგელი გადასცა
ფინანსთა სამინისტროს შემოსავლების სამსახურის უფროსმა ლევან კაკავამ უწყების 47 წარმატებული თანამშრომელი სამსახურებრივი მოვალეობის სანიმუშოდ შესრულებისთვის მადლობის სიგელით დააჯილდოვა. ინფორმაციას ამის შესახებ შემოსავლების სამსახური ავრცელებს.
,,ჩემთვის დიდი პატივია ჩემს კოლეგებთან ერთად მონაწილეობა მივიღო დაჯილდოების ცერემონიაში და მოგილოცოთ ეს საპატიო ჯილდო. მინდა, მადლობა გადაგიხადოთ წარმატებული თანამშრომლობისთვის. დარწმუნებული ვარ, ერთიანი ძალისხმევით შევძლებთ არსებული გამოწვევების დაძლევას და ქვეყნის ღირსეულ განვითარებას“, -აღნიშნა ლევან კაკავამ.
დაჯილდოების ცერემონიას შემოსავლების სამსახურის სხვადასხვა დეპარტამენტის ხელმძღვანელი პირებიც ესწრებოდნენ.
