დიმიტრი პესკოვი პირდაპირ არ პასუხობს მიულოცავს თუ არა ვლადიმერ პუტინი ახალ წელს ვლადიმერ ზელენსკისა და სალომე ზურაბიშვილს

რუსეთის პრეზიდენტის პრესმდივანმა დიმიტრი პესკოვმა, კითხვაზე: მიულოცავს თუ არა რუსეთის ლიდერი ვლადიმერ პუტინი ახალ წელს უკრაინასა და საქართველოს, განაცხადა, რომ შეიძლება მოხდეს დამატება უკვე გამოქვეყნებულ მილოცვებში. ამის შესახებ „რია ნოვოსტი“ იუწყება.

„ყველა ლიდერი არ შესულა შეტყობინებაში. აუცილებლობის შემთხვევაში, მოხდება ინფორმაციის დამატება“, - განაცხადა პესკოვმა.

კითხვაზე, არსებობს, თუ არა შესაძლებლობა, რომ პუტინმა პირადად მიულოცოს ახალი წელი უკრაინის პრეზიდენტს ვლადიმერ ზელენსკის, პრესმდივანმა დასძინა, რომ შესაძლებელია მოხდეს დამატება ინფორმაციაზე.

ცნობილია, რომ ვლადიმერ პუტინმა ახალი წელი მიულოცა ამერიკის ლიდერს დონალდ ტრამპს, ვენესუელას ლიდერს ნიკოლა მადუროს, თურქეთის პრეზიდენტს რეჯებ თაიფ ერდოღანს, ისრაელის პრემიერმინისტრს ბენიამინ ნეთანიაჰუს, ბელორუსის ლიდერს ალექსანდრე ლუკაშენკოს, საფრანგეთის პრეზიდენტს ემანუელ მაკრონს, სირიის პრეზიდენტს ბაშარ ასადს, გერმანიის კანცლერს ანგელა მერკელს, დიდი ბრიტანეთის დედოფალს ელისაბეთ მეორესა და პრემიერმინისტრ ბორის ჯონსონს.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 10.08.2020
სევრის ხელშეკრულების 100 წლისთავი
„მოედანი“ - პროექტი, რომელიც ავლაბარს ახალ სიცოცხლეს შესძენს
ამერიკული სტეიკის მასტერკლასი ბათუმში