კატალონიის სენტელიეს მუნიციპალიტეტში, ეკლესიის სამრეკლოზე მომხდარი აფეთქების შედეგად, რამდენიმე ადამიანი დაშავდა.
პირველადი მონაცემებით, დენთი აფეთქდა. ამის შესახებ ადგილობრივი სახანძრო სამსახური „ტვიტერის“ გვერდზე იუწყება.
მათი ინფორმაციით, დაშავებულია 14 ადამიანი - მათ სხვადასხვა ხარისხის დამწვრობა მიიღეს. სასწრაფო დახმარების ინფორმაციით, სამი მათგანის მდგომარეობა მძიმეა, ექვსი ადამიანისა კი საშუალო სიმძიმის.
ადგილზე სასწრაფო დახმარების ათი ბრიგადა და ორი ვერტმფრენი მუშაობდა.
დღეს მუნიციპალიტეტში ეროვნული დღესასწაული აღინიშნებოდა, რომელიც ადგილობრივმა ხელისუფლებამ ინციდენტის გამო დასრულებულად გამოაცხადა.