გაეროს გენერალურმა მდივანმა ანტონიო გუტერეშმა საახალწლო მიმართვაში კლიმატის ცვლილების შესახებ ისაუბრა. მან გლობალურ დათბობას თანამედროვეობის უმთავრესი პრობლემა და გამოწვევა უწოდა.
„ჩვენ 2020 წელს გაურკვევლობისა და უსაფრთხოების არქონის ფონზე ვხვდებით. მსოფლიოში სამხედრო კონფლიქტები და გლობალური დათბობა მიმდინარეობს. ჩვენ არ შეგიძლია საკუთარ თავს მივცეთ უფლება გავხდეთ ის თაობა, რომელიც პლანეტის განადგურების დროს არასაჭირო საქმეებით იყო დაკავებული“, - განაცხადა გაეროს გენერალურმა მდივანმა.
გუტერეშმა ასევე აღნიშნა, რომ მიუხედავად პრობლემებისა ის მომავალს იმედით უყურებს და ახალგაზრდების სჯერა. მისი თქმით, გაერთიანებული ერების ორგანიზაცია გაბედულობითა და ენთუზიაზმით სავსე ახალგაზრდების მხარესაა.