ავსტრალიაში ხანძრის ჩაქრობის დროს მოხალისე მეხანძრე დაიღუპა, 2 პირი კი დაშავდა. ხანძრის გავრცელების საფრთხის გამო, ქვეყნის ხელისუფლებამ ქალაქ მელბრუნის მოსახლეობის ნაწილს საცხოვრებელი სახლის დატოვებისკენ მოუწოდა. ამასთანავე ცნობილი გახდა, რომ სიდნეისა და კანბერაში წელს საახალწლო ფოიერვერკებს არ გაუშვებენ. ცეცხლის ათობით კერას მეხანძრეები უკვე რამდენიმე თვეა ებრძვიან. ხანძრის ჩაქრობის პროცესში მათ ხელს ძლიერი ქარი და მაღალი ტემპერატურა უშლით.
სტიქიას ამ დრომდე 10 ადამიანი შეეწირა. დაიწვა 1000-ზე მეტი სახლი.