სუდანის სასამართლომ მასწავლებლის წამებისა და მკვლელობის გამო, დაზვერვის 29 ოფიცერს სიკვდილით დასჯა მიუსაჯა. ამ ინფორმაციას „ბიბისი“ ავრცელებს.

გამოცემის ცნობით, 36 წლის აჰამად ალ-ჰაირი სკოლის მასწავლებელი იყო, რომელმაც პრეზიდენტ ომარ ალ-ბაშირის საწინააღმდეგო საპროტესტო აქციაში მიიღო მონაწილეობა, რა დროსაც ის დააკავეს და წამებით მოკლეს.

შეგახსენებთ, რომ სუდანს 30 წლის მანძილზე პრეზიდენტი ომარ ალ-ბაშირი მართავდა. მან პრეზიდენტის პოსტი მასობრივი საპროტესტო აქციების ფონზე დატოვა. დემონსტრაციების დროს ქვეყანაში 170-ზე მეტი ადამიანი დაიღუპა.