თურქეთის პარლამენტი 2 იანვარს ქვეყნის ჯარის ლიბიაში განთავსების შესახებ კანონპროექტის განხილვას იწყებს. ადგილობრივი მედიის ინფორმაციით, ამისთვის პარლამენტი საგანგებო სხდომაზე შეიკრიბება.
ქვეყნის პრეზიდენტმა რეჯებ თაიფ ერდოღანმა ხელი მოაწერა ორგვერდიან რეზოლუციას, რომელშიც განაცხადა, რომ ლიბიის მოვლენები საფრთხეს უქმნის რეგიონის უსაფრთხოებას და ითხოვს თანხმობას თურქეთის ჯარის უცხო ქვეყანაში განთავსების შესახებ ერთი წლის ვადით.
მანამდე ერდოღანმა აღნიშნა, რომ თურქეთი ნებისმიერი სახით დაუჭერს მხარს ტრიპოლს, რომელიც ბრძოლას აწარმოებს გენერალ ხალიფა ჰაფთარის წინააღმდეგ. მისივე თქმით, თურქეთი ლიბიის კანონიერმა ადმინისტრაციამ მიიწვია.