კახა კალაძე რესპუბლიკის მოედანზე საახალწლო გალა-კონცერტის გენერალურ რეპეტიციას დაესწრო. სანტა კლაუსის ფორმაში ჩაცმულმა თბილისის მერმა მოსახლეობას საახალწლო საჩუქრებიც დაურიგა.
როგორც დედაქალაქის მერის მოადგილე სოფიო ხუნწარიამ ჟურნალისტებთან საუბრისას აღნიშნა, 31 დეკემბერს, რესპუბლიკის მოედანზე გალა-კონცერტი 23:00 საათზე დაიწყება.
"ჩვენ არ უნდა დავარღვიოთ ტრადიცია და პირველი რესპუბლიკის მოედანზე ზუსტად 23:00 საათზე უნდა მოვიდეთ იმისთვის, რომ ერთად შევხვდეთ ახალ წელს. თქვენ ძალიან დიდი შოუ გელოდებათ, სადაც, დაახლოებით, 28 ნომერია. ქართული ესტრადის ვარსკვლავები მსოფლიო ვარსკვლავების ჰიტებს შეასრულებენ. საღამოს 23:00 საათიდან მთელი ღამის განმავლობაში ტრანსპორტი უფასო იქნება. მთავარ ხაზებზე თქვენ შეგიძლიათ უფასო ტრანსპორტით ისარგებლოთ და მობრძანდეთ პირველი რესპუბლიკის მოედანზე",-განაცხადა სოფიო ხუნწარიამ.