აშშ-ის ელჩი პოლონეთში - ძვირფასო პრეზიდენტო პუტინ, ჰიტლერმა და სტალინმა მოაწყვეს შეთქმულება და დაიწყეს მეორე მსოფლიო ომი

პოლონეთში აშშ-ის ელჩის ჯორჯიტ მოსბაჩერის განცხადებით, მეორე მსოფლიო ომი საბჭოთა კავშირმა და ნაცისტურმა გერმანიამ დაიწყეს და ერთობლივად შეიჭრნენ პოლონეთში. ამ განცხადებით ჯორჯიტ მოსბაჩერი რუსეთის პრეზიდენტის განცხადებას გამოეხმაურა.

შეგახსენებთ, რომ პუტინმა პოლონეთი ნაცისტურ გერმანიასთან თანამშრომლობაში დაადანაშაულა და განაცხადა, რომ პოლონეთის ელჩი გერმანიაში იყო „ნაბიჭვარი, ანტისემიტი, ღორი“.

პოლონეთში აშშ-ის ელჩის ჯორჯეტ მოსბაჩერის თქმით, ჰიტლერმა და სტალინმა მოაწყვეს შეთქმულება და დაიწყეს მეორე მსოფლიო ომი.

„ძვირფასო პრეზიდენტო პუტინ, ჰიტლერმა და სტალინმა მოაწყვეს შეთქმულება და დაიწყეს ომი. ეს არის ფაქტი. პოლონეთი ამ საშინელი კონფლიქტის მსხვერპლი იყო“, - დაწერა ელჩმა „ტვიტერის“ საკუთარ გვერდზე.

მოგვიანებით განცხადებას რუსეთის საელჩომ უპასუხა. „ძვირფასო ელჩო, თქვენ რა მართლა გგონიათ, რომ ისტორია უკეთ იცით, ვიდრე დიპლომატია?“- წერია განცხადებაში.

თემაზე კომენტარი გერმანიის ელჩმაც გააკეთა. მისი თქმით, „საბჭოთა კავშირმა, გერმანიასთან ერთად, მონაწილეობა მიიღო პოლონეთის სასტიკ დაყოფაში“.

საკითხს გუშინ პოლონეთის პრემიერ-მინისტრიც გამოეხმაურა. მისი განცხადებით, ვლადიმერ პუტინი, მეორე მსოფლიო ომთან მიმართებაში მიზანმიმართულად იტყუება.

შეგახსენებთ, რომ მეორე მსოფლიო ომი 1939 წლის პირველ სექტემბერს პოლონეთის დაპყრობით დაიწყო, რა დროსაც ქვეყანაში ჯერ ნაცისტური გერმანია, ხოლო შემდეგ საბჭოთა ჯარები შეიჭრნენ. მასშტაბური საომარი მოქმედებების დროს დაახლოებით 6 მილიონი პოლონელი დაიღუპა.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია