მედიკო მარგოშვილი - მერიის საქციელი  გულსატკენი იყო, კალაძისგან არ ველოდი, მის მიმართ რაღაც სიმპათია მქონდა, რადგან მან ჩვენზე ადრე გამოსცადა  ოჯახის წევრის დაკარგვა

“მერიის გუშინდელი საქციელი იყო ძალიან გულსატკენი, მე კალაძისგან არ ველოდი, მის მიმართ რაღაც სიმპათია მქონდა, რადგან ამ ადამიანმა ჩვენზე ადრე გამოსცადა ოჯახის წევრის დაკარგვა”,- ამის შესახებ თემირლან მაჩალიკაშვილის დედამ მედიკო მარგოშვილმა პარლამენტის შენობის წინ ჟურნალისტებს განუცხადა.

მისი თქმით, ის აპირებს კარავი გაშალოს და ახალ წელს პარლამენტთან შეხვდეს.

„მინდა ყველას მოგილოცოთ დამდეგი 2020 წელი. „ოცნების“ ხელისუფლების დასასრული ყოფილიყოს და ნორმალური, სამართლიანი სახელმწიფო შეგვექმნას. მერისგან არ ველოდი ასეთ არაადამიანურ მოპყრობას. რას ვითხოვთ? ხელმოწერებს ვაგროვებთ ორი წელია და დგას ბანერი, რომ დროებითი საგამოძიებო კომისია შეიქმნას. რა არის ამაში ცუდი? თუ არიან მართლები, შედგეს ეს კომისია. ამისთვის ვიდექით აქ. ეს კომისია რომ შექმნილიყო ჩვენი ხელით ავიღებდით ამ კარვებს. წუხელ ეს სურათი რომ დავინახე, გადავწყვიტე, სიცოცხლის ფასადაც რომ დამიჯდეს, სიცოცხლე რომ დავთმო ამ პარლამენტის წინ, ვიბრძოლებ სისხლის ბოლო წვეთამდე ჩემი სიმართლისთვის და ამ არაადამიანური მოპყრობის წინააღმდეგ გადავწყვიტეთ წავსულიყავი. ყველა შვილმოკლულ დედას ვთხოვ, დავდგეთ, მოვითხოვოთ სიმართლე, რომ ეს სისხლიანი სისტემა დაინგრეს. ესენი უკვე ზღვარს გადავიდნენ. შვილი მომიკლეს და აქეთ ტერორისტობას გვაბრალებენ. ვახას თუ რაღაც შეეშლება, ტერორისტად აცხადებენ. სინამდვილეში, ტერორისტული აქტი სისტემამ ჩემს ოჯახში მოახდინა და მომიკლა ერთადერთი შვილი. ყველა დედას ვთხოვ, ჩვენ ვიზეიმოთ პარლამენტის წინ როგორც მგლოვიარე დედებს შეეფერებათ, ვანახოთ სისტემას როგორ ვგლოვობთ. ამაღამ მე ვიქნები აქ, გავიყინები, მოვკვდები და არ წავალ აქედან, დაიდგმება აქ ბანერი და ჩემი კარავი”,- განაცხადა მედიკო მარგოშვილმა.

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს