ნიკა გვარამია - მოსამართლე კი არა, ბიძინა ივანიშვილის გასაბერი ზვიგენია და მისი ადგილი პროცესზე არ არის

მოსამართლე კი არა, ბიძინა ივანიშვილის გასაბერი ზვიგენია და მისი ადგილი პროცესზე არ არის, - ამის შესახებ ჟურნალისტებს ცეცხლსასროლი იარაღის უკანონო შეძენა-შენახვა-ტარების ბრალდებით დაკავებული გიორგი რურას ადვოკატმა, ნიკა გვარამიამ განუცხადა.

მოსამართლე ნინო ჩახნაშვილის გადაწყვეტილებით, გიორგი რურუას სასამართლო პროცესი დარბაზში წესრიგის დაცვის მიზნით დაიხურა. პროცესის დახურვამდე, რურუას ადვოკატებმა სხდომის გასაშუქებლად „მთავარი არხის" დაშვებაც მოითხოვეს, რაც მოსამართლემ არ დააკმაყოფილა.

„სრულიად სამართლიანი პროტესტი მოჰყვა მის სამარცხვინო, დაუსაბუთებელ, კანონთან შეუსაბამო და პოლიტიკურად მიკერძოებულ გადაწყვეტილებას. დამსწრეები დარბაზიდან არ გამოდიან. ეს მოსამართლე არ შეიძლება იდგეს დარბაზში, მას ეტყობა როგორ აპირებს სასამართლო სხდომის გაგრძელებას.

ჩვენ მიგვაჩნია, რომ ის არის გასაბერი ზვიგენი და არა მოსამართლე, ბიძინა ივანიშვილის გასაბერი ზვიგენი და მისი ადგილი არ არის სასამართლო პროცესზე და მას ავიცილებთ. როგორ შეიძლება, როცა მოსამართლის მაგივრად გასაბერი ზვიგენი გვხვდება, ამან პროტესტი არ გამოიწვიოს?", - განაცხადა გვარამიამ.

ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო