მამუკა ხაზარაძე - რუსეთიდან არის დავალება, რომ ბიძინა ივანიშვილმა ყველა მეთოდით გააჩეროს ანაკლიის პროექტი

რუსეთიდან არის დავალება, რომ ბიძინა ივანიშვილმა ყველა მეთოდით გააჩეროს ანაკლიის პროექტი, - ამის შესახებ პოლიტიკური გაერთიანება „ლელო საქართველოსთვის" ლიდერმა მამუკა ხაზარაძემ ჟურნალისტებს ანაკლიის პორტის პროექტთან დაკავშირებით განუცხადა. მისი თქმით, „ქართული ოცნების" ხელისუფლებიდან წასვლის შემდეგ, ეს პროექტი აუცილებლად განხორციელდება.

„ანაკლიის პროექტს ვერ ჩაშლის ვერავინ, მიუხედავად ბიძინა ივანიშვილის დიდი მცდელობისა. ის, რომ თითქოს ჩვენ ვერ შევასრულეთ პირობები, სრული სიცრუეა. რუსეთიდან არის დავალება, რომ ბიძინა ივანიშვილმა ყველა მეთოდით გააჩეროს ანაკლიის პროექტი.

ჩვენ გამოვიყენებთ ყველა კანონიერ გზას, რომ დავიცვათ ამ პროექტში ჩადებული უცხოური ინვესტიციები.

მე საზოგადოებას დავპირდი, რომ ანაკლიის პროექტი, ქალაქი ანაკლია აუცილებლად აშენდება „ქართული ოცნების" ხელისუფლებიდან გაშვების შემდეგ. მინდა მოსახლეობას ვუთხრა, არ დაიჯეროთ ზღაპრები, რასაც ისინი გვიყვებიან. არსებობს ინვესტორიც, არსებობს ინვესტირებული მილიონობით თანხა, არსებობს ბანკებიდან მოზიდული თანხები და ანაკლიას ავაშენებთ აუცილებლად,"- განაცხადა ხაზარაძემ.

მან 2019 წელიც შეაჯამა და აღნიშნა, რომ ამ წელს მმართველმა გუნდმა სახელმწიფოს თითქმის ყველა ინსტიტუცია მიიტაცა.

„2019 წელი ძალიან მძიმე წელი იყო იმიტომ, რომ როგორც აღმოჩნდა, ძალიან ბევრი პრობლემა გვაქვს. დავინახეთ, როგორ მიიტაცეს ჩვენი სახელმწიფო, როგორ მიიტაცეს თითქმის ყველა ინსტიტუცია. ეს დამთავრდება 2020 წელს მშვიდობიანად, ხალხის გამარჯვებით, დამთავრდება საღი აზრის გამარჯვებით. ჩვენი პოლიტიკური გაერთიანება ამას დაასრულებს და ქვეყანაში დაიწყება აღმშენებლობის, ახალგაზრდული ენერგიის და ქვეყნის ლიდერის პოზიციის დაბრუნების წლები“, - განაცხადა ხაზარაძემ.

ცნობისთვის, „ანაკლიის განვითარების კონსორციუმს“ ვალდებულებების შესრულების საბოლოო ვადა დღეს ეწურება. ამის შემდეგ იმსჯელებს მთავრობა გაწყვეტს თუ არა ხელშეკრულებას კონსორციუმთან.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 26.02.2021
როგორ იქმნება მომავლის რესტორნები მსოფლიოში? რა უნდა გაითვალისწინონ ქართველმა რესტორატორებმა
ახალი სენსორული POS სავაჭრო ობიექტებისთვის
რას წარმოადგენს Samsung-ის ოფიციალური ჰოლოგრამა?
სითი თაუერი – შენი პარტნიორი ბიზნესში! (R)
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი