სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ ექიმი ვაჟა გაფრინდაშვილი, მისი მეუღლე და შვილები მიიღო. ამის შესახებ ინფორმაციას და აუდიო და ვიდეომასალას სოციალურ ქსელში ბოდბელი მთავარეპისკოპოსი, მეუფე იაკობი ავრცელებს.
„დღეს უწმინდესმა და უნეტარესმა, სრულიად საქართველოს კათოლიკოს-პატრიარქმა ილია მეორემ ექიმი ვაჟა გაფრინდაშვილი ოჯახთან და ახლობლებთან ერთად მიიღო“, - წერს მეუფე იაკობი.
შეხვედრას ასევე ესწრებოდნენ ბოდბელი მთავარეპისკოპოსი, მეუფე იაკობი და მოჭიდავეები.
შეხვედრაზე ვაჟა გაფრინდაშვილმა განაცხადა, რომ ყველასი მადლობელია, ვინც მის გათავისუფლებაში მიიღო მონაწილეობა.