გუშინ ღამით "ამბიენსის" სათამაშოების მაღაზიას ცეცხლი გაუჩნდა, დაზიანებულია მაღაზიის ფანჯრები და შესასვლელი კარი. როგორც "ინტერპრესნიუსს" შს-ს საგანგებო სიტუაციების მართვის სამსახურში განუცხადეს, ხანძრის ლიკვიდაცია გუშინ ღამითვე მოხდა. შემთხვევისშედეგად არავინ დაშავებულა.
საქართველოს შინაგან საქმეთა სამინისტოს ინფორმაციით, მომხდარზე გამოძიება სისხლის სამართლის კოდექსის 187-ე მუხლის, მეორე ნაწილით მიმდინარეობს, რაც ცეცხლის წაკიდებით, აფეთქებით, ან სხვა საყოველთაოდ საშიში საშუალებით სხვისი კუთვნილების დაზიანებას ან განადგურებას გულისხმობს.