გერმანიის ქალაქ კრეფელდის ზოოპარკში ხანძარს თითქმის ყველა ცხოველი ემსხვერპლა

გერმანიის ქალაქ კრეფელდის ზოოპარკში ხანძარს თითქმის ყველა ცხოველი ემსხვერპლა. ზოოპარკში ცეცხლი ახალი წლის ღამეს გაჩნდა. შედეგად დაიხოცა 30-ზე მეტი ცხოველი, მათ შორის მაიმუნები, ჰომინიდები, ჩიტები და ღამურები.

პოლიციის ცნობით, გადარჩა მხოლოდ ორი შიმპანზე.

წინასწარი გამოძიებით, ზოოპარკში ხანძრის გაჩენის მიზეზი ახლოს მდებარე ტერიტორიიდან გაშვებული ფრანი გახდა, რომელიც სავარაუდოდ, სწორედ ზოოპარკში ჩამოვარდა. კრეფელდის ზოოპარკში იშვიათი ჯიშის შიმპანზეები, ორანგუტანები და უისტიტები ბინადრობდნენ.

აღსანიშნავია, რომ გერმანიაში სადღესასწაულო ფრანების ცაში გაშვება აკრძალულია, ვინაიდან ხშირია ხანძრის გაჩენის შემთხვევები.

ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს