ავსტრალიაში, ახალი სამხრეთ უელსის შტატში ერთკვირიანი საგანგებო მდგომარეობა გამოცხადდა. ამის მიზეზი ბუჩქნარში გაჩენილი მასშტაბური ხანძარია. მეხანძრეებს ხელს მაღალი ტემპერატურა და ძლიერი ქარი უშლის, რის გამოც ავსტრალიის აღმოსავლეთ რეგიონში ხანძრის გავრცელების კიდევ უფრო დიდი საფრთხეა.
შეგახსენებთ, სექტემბრის შემდეგ ხანძარს ავსტრალიაში 18 ადამიანი შეეწირა, განადგურდა 1200-ზე მეტი საცხოვრებელი სახლი ვიქტორიასა და ახალი სამხრეთ უელსის შტატებში. მხოლოდ მიმდინარე კვირას დაიკარგა 17 ადამიანი.
ათასობით ადამიანი ტურისტული ზონებიდან გარბის. ავსტრალიაში ყველაზე მასშტაბური ევაკუაიცები მიმდინარეობს.