საქართველოს საგარეო საქმეთა მინისტრი დავით ზალკალიანი ერაყში მიმდინარე პროცესებს სოციალურ ქსელში ეხმაურება.

როგორც მინისტრი "ტვიტერზე" წერს, დიპლომატიური მისიების უსაფრთხოება და დაცულობა გარანტირებული უნდა იყოს ვენის კონვენციის შესაბამისად.

"შეშფოთებულები ვართ ესკალაციისა და ძალადობის გამო ერაყში. ვგმობთ ახლახანს მომხდარ შეტევას ბაღდადში ამერიკის შეერთებული შტატების საელჩოზე. დიპლომატიური მისიების უსაფრთხოება და დაცულობა გარანტირებული უნდა იყოს ვენის კონვენციის შესაბამისად",-წერს დავით ზალკალიანი "ტვიტერზე"