ირანის საგარეო საქმეთა მინისტრი გენერლის მკვლელობაზე - ამ გაიძვერული ავანტიურიზმის შედეგებზე პასუხისმგებლობა აშშ-ს ეკისრება

ამ გაიძვერული ავანტიურიზმის შედეგებზე პასუხისმგებლობა აშშ-ს ეკისრება, - ამის შესახებ ირანის საგარეო საქმეთა მინისტრმა მუჰამედ ჯავად ზარიფმა აშშ-ის მიერ ბაღდადში განხორციელებული საჰაერო დარტყმის კომენტირებისას განაცხადა, რომლის დროსაც ირანელი გენერალი ქასემ სულეიმანი დაიღუპა.

მისივე თქმით, სულეიმანის მკვლელობა სიტუაციის „უკიდურესად სახიფათო და უგუნური ესკალაციაა.“

ზარიფის თქმით, ირანელი გენერლის მკვლელობა რეგიონსა და მთელ მსოფლიოში აშშ-სა და ისრაელის მიმართ წინააღმდეგობას გააძლიერებს. „ამერიკული ტერორისტული ძალების სისასტიკე და სისულელე, რაც მეთაურ სულეიმანის მკვლელობაში გამოიხატა, უდავოდ წარმოქმნის წინააღმდეგობას რეგიონსა და მსოფლიოში“, - ნათქვამია მუჰამედ ჯავად ზარიფის მიერ გავრცელებულ განცხადებაში.

ირანელი გენერლის დაღუპვაზე კომენტარი გააკეთა „ირანის რევოლუციური გვარდიის“ ყოფილმა მეთაურმა მოჰსენ რეზაეიმაც.

„ის წამებით მოკლულ ძმებს შეუერთდა, მაგრამ ჩვენ ამერიკაზე მძლავრ შურისძიებას განვახორციელებთ,“- წერს რეზაეი სოციალურ ქსელ „ტვიტერში.“

შეგახსენებთ, აშშ-მა ბაღდადის საერთაშორისო აეროპორტში საჰაერო თავდასხმა განახორციელა, რასაც, ერაყის გასამხედროებული დაჯგუფებების ინფორმაციით, მათი 5 წევრისა და 2 „მნიშვნელოვანი სტუმრის“ სიცოცხლე ემსხვერპლა. დაღუპულებს შორის არიან ირანული ელიტური ქვედანაყოფის „ქუდსის ძალების“ ლიდერი გენერალ-მაიორი ქასემ სულეიმანი და ერაყელი საბრძოლო დაჯგუფების მეთაური აბუ მაჰდი ალ-მუჰანდისი.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა