გია ხუხაშვილი - ხელისუფლების ინტერესია, რომ თავად აკონტროლებდეს ანაკლიის პროექტს და შემდეგ ამით ივაჭროს დასავლეთის თუ რუსეთის მიმართულებით

ხელისუფლების ინტერესია, რომ თავად აკონტროლებდეს ანაკლიის პროექტს და შემდეგ ამით ივაჭროს დასავლეთის თუ რუსეთის მიმართულებით. საბოლოო ჯამში პროექტი განხორციელდება თუ არა, ამ პოლიტიკურ კონტექსტზეა დამოკიდებული, - ასე აფასებს ექსპერტი გია ხუხაშვილი ანაკლიის ღრმაწყლოვანი პორტის პერსპექტივებს.

როგორც ხუხაშვილმა „ინტერპრესნიუსთან“ საუბრისას აღნიშნა, მიმდინარე წელს განვითარებული მოვლენების ფონზე სავარაუდოა, რომ მთავრობა „ანაკლიის განვითარების კონსორციუმთან“ ხელშეკრულების გაწყვეტისკენ იხრება.

„ მოლოდინი მაინცდამაინც ოპტიმისტური არაა. პრაქტიკულად მთელი წლის განმავლობაში რაც ხდებოდა ერთ რამეზე მეტყველებდა, რომ ხელისუფლება, ერთი მხრივ, მუდმივად ახდენდა პროექტის მხარდაჭერის დეკლარირებას და მეორე მხრივ, ყველაფერს აკეთებდა კონსორციუმის და მისი მენეჯმენტის დისკრედიტაციისთვის, იგივე სისხლის სამართლის საქმეებით და სხვა ტიპის განცხადებებით, ბუნებრივია, ეს ინვესტორს აფრთხობდა და ამით პროექტის ფარულ საბოტირებას უზუნველყოფდა“, - აცხადებს ხუხაშვილი.

რაც შეეხება პროექტის პერსპექტივას, გია ხუხაშვილის თქმით, ანაკლიის პორტის პროექტმა პოლიტიკური განზომილება შეიძინა.

„მგონია, რომ ხელისუფლება არაა საბოლოოდ ჩამოყალიბებული. მას მიაჩნია, რომ უნდა აღადგინოს კონტროლი პროექტზე და შემდეგ ამ პროექტით ივაჭროს სხვადასხვა მიმართულებით, იგივე დასავლეთის თუ რუსეთის მიმართულებით. პროექტმა აშკარად გამოხატული პოლიტიკური განზომილება შეიძინა", -აცხადებს გია ხუხაშვილი.

მისივე თქმით, თუ „ანაკლიის განვითარების კონსორციუმის“ პროექტიდან ჩამოშორება მოხდება, კონსორციუმს სრულიად ლოგიკური პრეტენზიები ექნება ხელისუფლებასთან და დავამ შეიძლება საერთაშორისო დონეზე გადაინაცვლოს, დავის პერიოდში კი ალტერნატიული ინვესტორის მოძიების პერსპექტივა ბუნდოვანია, რაც პროექტის გაურკვეველი ვადით დამუხრუჭებას გამოიწვევს.

შეგახსენებთ, რეგიონული განვითარებისა და ინფრასტრუქტურის სამინისტრომ განცხადება გაავრცელა, რომლის თანახმადაც, “ანაკლიის განვითარების კონსორციუმმა“ ვალდებულებების შესრულება ვერ შეძლო და მთავრობა უახლოეს სხდომაზე იმსჯელებს კონსორციუმთან გაფორმებული ხელშეკრულების საკითხზე.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი