„ჰეზბოლა“, „ჰამასი“, რუსეთი და სირია ბაღდადის აეროპორტში აშშ-ის ოპერაციას გმობენ

„ჰეზბოლას“ ლიდერის, ჰასან ნასრალაჰის თქმით, აშშ-ის მიერ მოკლული ქასემ სულეიმანი „წინააღმდეგობის ოსტატი“ იყო. მისივე თქმით, „ჰეზბოლა“ სულეიმანის გზას გააგრძელებს.

„ჩვენ გავაგრძელებთ გენერალ სულეიმანის გზას და აღვმართავთ მის დროშას ყველა ბრძოლის ველზე. კრიმინალი მკვლელებისთვის სათანადო სასჯელის მიგება ყველა წინააღმდეგობის მებრძოლის პასუხისმგებლობა იქნება მთელი მსოფლიოს მასშტაბით“,-განაცხადა ნასრალაჰმა.

ირანის ხელისუფლებას, ლიდერსა და ხალხს „გულწრფელი სამძიმარი“ გამოუცხადა „ჰამასმაც“. მათი თქმით, სულეიმანი „იყო ერთ-ერთი უმთავრესი ირანელი სამხედრო ლიდერი, რომელმაც ძირითადი როლი ითამაშა პალესტინის წინააღმდეგობის ბრძოლებში“.

ბაღდადის აეროპორტში განხორციელებული ოპერაცია დაგმეს სირიისა და რუსეთის მთავრობებმა და ირანს სამძიმარი გამოუცხადეს.

რუსეთის საგარეო უწყების ცნობით, შეერთებული შტატების ეს „ავანტურისტული ნაბიჯი გაზრდის დაძაბულობას მთელს რეგიონში“. მათივე თქმით, „სულეიმანი ერთგულად ემსახურებოდა ირანის ეროვნული ინტერესების დაცვას“.

შეგახსენებთ, აშშ-მა ბაღდადის საერთაშორისო აეროპორტში საჰაერო თავდასხმა განახორციელა, რის შედეგადაც სხვა სამხედრო პირებთან ერთად ირანის ე.წ. ჩრდილოვანი გენერალი ქასემ სულეიმანი დაიღუპა. სწორედ სულეიმანს უკავშირდება ირანის მიერ ახლო აღმოსავლეთში სამხედრო პოზიციების გაძლიერება და ისრაელზე განხორციელებული საჰაერო თავდასხმების განხორციელება.

ვაჟა ბერიძე -  „ნაციონალებს“ და მის მოკავშირეებს ელექტორატის ნახევარზე მეტი არ უჭერს მხარს, ხოლო 50%,  ვისაც არჩევანი გაკეთებული არ აქვს, „ოცნების“, დასავლელი პარტნიორებისა და საზოგადოების მთავარი პრობლემაა
ქართული პრესის მიმოხილვა 14.08.2020
აგვისტოს ომიდან 12 წლის შემდეგაც საქართველო დგას რუსული აგრესიის წინაშე
ირმა ინაშვილი საქართველოსა და აშშ-ის ხელისუფლებას მოუწოდებს, IRI-სა და NDI-ს საქართველოში კვლევების ჩატარება და გამოქვეყნება აეკრძალოთ
„თიბისის" პერსონალური საბანკო მომსახურება ტრანსფორმაციის ეტაპზე გადავიდა
Wolt და Mastercard ბათუმში გელიან!