„ლელო საქართველოსთვის“ ლიდერი, მამუკა ხაზარაძე პოეტ დავით წერედიანის გარდაცვალებას ეხმაურება

პოლიტიკური გაერთიანების „ლელო საქართველოსთვის“ ლიდერი, მამუკა ხაზარაძე პოეტ დავით წერედიანის გარდაცვალებას ეხმაურება.

,,საქართველოს კიდევ ერთი დიდი ადამიანი დააკლდა. გარდაიცვალა პოეტი და მთარგმნელი დავით წერედიანი, რომელმაც განსაკუთრებული წვლილი შეიტანა ქართული ლიტერატურის განვითარების საქმეში. დავით წერედიანის მიერ ნათარგმნი მსოფლიო ლიტერატურის შედევრები ფასდაუდებელია, ზღაპრები და სვანური ხალხური პოეზიის ნიმუშები - ბრწყინვალე, ხოლო ორიგინალური პოეზია - უნიკალური. დავით წერედიანმა ქართულ ლიტერატურულ სივრცეში ახალი, ღრმა და მრავლისმომცველი ეპოქა შექმნა.

დავით წერედიანი იყო ის ადამიანი და შემოქმედი, რომელიც ჩუმად, თავმდაბლად აკეთებდა დიდ ქართულ საქმეს. ვიზიარებ დავით წერედიანის ოჯახის, მეგობრებისა და კოლეგების ღრმა მწუხარებას და იმედს გამოვთქვამ, რომ მისი სახელი ყოველთვის სათანადოდ და ღირსეულად იქნება დაფასებული!’’ ,- აცხადებს მამუკა ხაზარაძე.

აღნიშნულ ინფორმაციას “ლელო საქართველოსთვის“ პრეს სამსახური ავრცელებს.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 10.08.2020
სევრის ხელშეკრულების 100 წლისთავი
„მოედანი“ - პროექტი, რომელიც ავლაბარს ახალ სიცოცხლეს შესძენს
ამერიკული სტეიკის მასტერკლასი ბათუმში