გურჯაანის რაიონში პურის საცხობში, სავარაუდოდ, ბუნებრივი აირით მოწამლული მამა-შვილის ჯანმრთელობის მდგომარეობა მძიმეა. ამის შესახებ „ინტერპრესნიუსს“ ქირურგიის ეროვნული ცენტრის კლინიკა „ახალი სიცოცხლის“ პრესსამსახურში განუცხადეს.

მათივე ინფორმაციით, ორივე მათგანი კრიტიკული მედიცინის დეპარტამენტში-რეანიმაციაშია მოთავსებული. მამაც და შვილიც მართვით სუნთქვაზე იმყოფებიან.

შეგახსენებთ, რომ შემთხვევა გურჯაანის რაიონის სოფელ გურჯაანში მოხდა. უგონო მდგომარეობაში მყოფი მამა-შვილი პურის საცხობში დღეს დილას თანამშრომელმა ნახა.