ირანთან დაძაბულობის ზრდის ფონზე, შეერთებული შტატები ახლო აღმოსავლეთში დამატებით 3000 ჯარისკაცს გაგზავნის. ამის შესახებ ქვეყნის თავდაცვის უწყების მაღალჩინოსნებმა განაცხადეს. მათი თქმით, დამატებითი ჯარები რეგიონში 60 დღის მანძილზე დარჩება.

პენტაგონის ინფორმაციით, ბრიგადა ქუვეითში ჩაფრინდება.

ცნობისთვის, 31 დეკემბერს, ერაყში ამერიკის საელჩოზე თავდასხმის შემდეგ აშშ-მა რეგიონში 750 სამხედრო უკვე გააგზავნა.