თბილისის მერიის წინ გარემოვაჭრეების მხარდამჭერი აქცია იმართება. როგორც ჟურნალისტებს ლეიბორისტული პარტიის წევრმა ლაშა ჩხარტიშვილმა განუცხადა, მათ ორი მოთხოვნა აქვთ: 1. გარემოვაჭრეებს პირველი რესპუბლიკის მოედანზე 15 იანვრამდე მიეცეთ ვაჭრობის უფლება. 2. უახლოესი ერთი თვის ვადაში გარევაჭრობის რეგულაციის მიღება, რომლის თანახმადაც ვაჭრობა შაბათ-კვირის გარდა სხვა დღეებშიც უნდა იყოს შესაძლებელი.

ლაშა ჩხარტიშვილის განცხადებით, თუ ეს ორი მოთხოვნა არ შესრულდება, შემდეგი აქცია თბილისის მერის კახა კალაძის სახლთან გაიმართება.

"თუ კალაძე ორშაბათამდე არ დააკმაყოფილებს ულტიმატუმს და 15 იანვრამდე არ მისცემს გარემოვაჭრეებს პირველი რესპუბლიკის მოედანზე ვაჭრობის უფლებას, ჩვენ უკვე მის სახლთან გავმართავთ აქციას, რათა იქნებ საკუთარი შვილების მაინც შერცხვეს, სხვის შვილებს რომ აშიმშილებს და შვილმოკლულ მამას და მშიერ ოჯახებს ერთმანეთს აპირიპისპირებს", - განაცხადა ჩხარტიშვილმა.

აქციას ესწრებიან გარემოვაჭრეები და მოძრაობა "სირცხვილიას", "გაბედეს" და "შეცვალეს" წევრები.

იხილეთ ვიდეო