ლიბიის დედაქალაქ ტრიპოლიში სამხედრო სკოლაზე ავიაიერიშის განხორციელების შედეგად სულ მცირე 28 სტუდენტი დაიღუპა, რამდენიმე კი დაშავდა,- ამის შესახებ „დოიჩე ველე“ ადგილობრივ ჯანდაცვის სამსახურებზე დაყრდნობით იუწყება.
გამოცემის ინფორმაციით, თავდასხმა მაშინ მოხდა, როდესაც კადეტები სამწყობრო მომზადების მოედანზე იყვნენ შეკრებილი.
ქვეყნის ჯანდაცვის სამინისტრო აცხადებს, რომ გარდაცვლილთა რაოდენობა შესაძლოა, გაიზარდოს.
თავდასხმაზე პასუხისმგებლობა ჯერჯერობით არავის აუღია, თუმცა ხელისუფლება მომხდარში მარშალ ხალიფა ჰაფთარის ლიბიის ნაციონალურ არმიას ადანაშაულებს.
ქვეყანაში შეტაკებები განსაკუთრებით მას შემდეგ გაძლიერდა, რაც ტრიპოლის ხელისუფლებამ თურქეთთან სამხედრო და საზღვაო ხელშეკრულებები გააფორმა და თურქეთმა ლიბიაში ჯარის გაგაზავნის გადაწყვეტილება მიიღო.