ირანი ბირთვული შეთანხმებით დაწესებულ შეზღუდვებს აღარ დაემორჩილება

ირანი 2015 წლის ბირთვული შეთანხმებით დაწესებულ შეზღუდვებს აღარ დაემორჩილება და ურანის გამდიდრებასა და გამდიდრებული ურანის მარაგის რაოდენობაზე დადგენილ ლიმიტებს აღარ დაიცავს, - ამის შესახებ ირანის მთავრობის განცხადებაშია ნათქვამი, რომელიც ქვეყნის სახელმწიფო ტელევიზიამ გაავრცელა.

"ირანი გააგრძელებს ბირთვულ გამდიდრებას შეზღუდვების გარეშე და მის ტექნიკურ საჭიროებებზე დაყრდნობით," - ნათქვამია განცხადებაში.

ირანის სახელმწიფო ტელევიზიის ინფორმაციით, ქვეყანა ხელშეკრულებით გათვალისწინებულ არცერთ შეზღუდვას აღარ გაითვალისწინებს: ურანის გასამდიდრებელი ცენტრიფუგების რაოდენობიდან დაწყებული, გამდიდრებული ურანის მოცულობამდე დამთავრებული, ასევე ურანის გამდიდრების დონეზე, გამდიდრებული ურანის მარაგის რაოდენობასა და ირანის ბირთვულ კვლევებსა და განვითარებასთან დაკავშირებულ მოქმედებებზე დაწესებულ შეზღუდვებს.

განცხადებაში არ არის აღნიშნული, რომ ირანი შეთანხმებას ტოვებს. მთავრობა აცხადებს, რომ ირანი გაეროს ატომური ენერგიის საერთაშორისო სააგენტოსთან თანამშრომლობას განაგრძობს. განცხადების თანახმად, ირანი ხელშეკრულებით გათვალისწინებულ ვალდებულებებს მაშინ დაუბრუნდება, როცა მისგან სარგებელს მიიღებს.

შეგახსენებთ, აშშ-მა ირანის ბირთვული შეთანხმება დონალდ ტრამპის გადაწყვეტილების შედეგად 2018 წელს ცალმხრივად დატოვა და ირანს 2015 წელს მოხსნილი სანქციები ხელახლა დაუწესა.

ირანმა ბირთვული შეთანხმების შესახებ პოზიციის დაფიქსირება ამ შაბათ-კვირისთვის რამდენიმე ხნის წინ დააანონსა, თუმცა გადაწყვეტილების გაჟღერების დრო ირანელი გენერლის ყასემ სულეიმანის სიკვდილის შემდეგ ირანსა და აშშ-ს შორის ურთიერთობების უკიდურეს დაძაბვას დაემთხვა.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია