ლოს ანჯელესში „ოქროს გლობუსის“ გამარჯვებულები გამოვლინდნენ

ლოს ანჯელესში, „ოქროს გლობუსის“ 77-ე დაჯილდოების ცერემონიალი გაიმართა. წლის დრამატული ფილმის კატეგორიაში ფილმმა „1917“, რეჟისორის ნომინაციაში კი ამავე ფილმის რეჟისორმა სემ მენდესმა გაიმარჯვა.

წლის ორიგინალური სცენარის ნომიანციაში გამარჯვება რეჟისორმა კვენტინ ტარანტინომ მოიპოვა ფილმისთვის „ერთხელ ჰოლივუდში“. აღნიშნული ფილმი გამოცხადდა გამარჯვებულად წლის კომედიური ჟანრის ფილმის კატეგორიაშიც.

წლის მსახიობი კაცის ტიტული დრამატულ ფილმებში ჯოკერის როლისთვის ჰოაკინ ფენიქსმა მოიპოვა, ამავე კატეგორიაში წლის მსახიობი ქალი კი ჯუდი გერლანდის როლისთვის რენე ზელვეგერი გახდა.

წლის მუსიკალურ ან კომედიურ ფილმებში ქალისა და მამაკაცის როლებისთვის ჯილდოები მიიღეს აკვაფინამ ფილმისთვის „დამშვიდობება“ და ტაარონ ეგერტონმა ელტონ ჯონის განსახიერებისთვის ფილმში „როკეტმენი“.

მეორეხარისხოვანი კაცის როლისთვის ჯილდო მიიღო ბრედ პიტმა, მეორეხარისხოვანი ქალის როლის შესრულებისთვის კი გამარჯვება ლორა დერნმა მოიპოვა ფილმისთვის „ქორწინების ამბავი“.

წლის ანიმაციების კატეგორიაში გამარჯვებული გახდა „დაკარგული რგოლი“. წლის საუნდტრეკისთვის კი ჯილდო მიიღო ელტონ ჯონმა. ნომინაციაში წლის მუსიკალური გაფორმება ფილმში „ჯოკერი“ჰილდურ გუანადოტირმა გაიმარჯვა.

წლის უცხოური ფილმების ნომიანციაში გამარჯვება კი სამხრეთ კორეულ „პარაზიტს“ ერგო .

რაც შეეხება სერიალებს, მინი სერიალების კატეგორიაში ჯილდო ხვდა „ჩერნობილს“. წლის დრამატული სერიალი გახდა „მემკვიდრეობა“, კომედიური ჟანრის სერიალების კატეგორიაში კი „რწყილი“. სერიალების კატეგორიაში სხვადასხვა ნომიანციებში გამარჯვება მოიპოვეს მსახიობებმა - რემი იუსუფი, ფოებე ვოლერ-ბრიჯი (მუსიკალური ან კოემდიური), ბრაიან ქოქსი, ოლივია ქოლმანი (დრამა), რასელ ქროუ მიშელ ვილიამსი (მინსიერიალი).

იხილეთ ვიდეო: ლოს ანჯელესში, "ოქროს გლობუსის" 77-ე დაჯილდოების ცერემონიალი გაიმართა

ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
ქართული პრესის მიმოხილვა 04.03.2021
კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
შეფუთვის ვინტაჟური სტილი და ევროპული სტანდარტების ქარხანა - „ვაკე“ 2021 წელს სიახლეებით იწყებს
იურიდიული პირები პროკრედიტ ბანკში ანგარიშებს დისტანციურად გახსნიან