დონალდ ტრამპი - ერაყს ისეთ სანქციებს დავუწესებთ, რომ ირანის სანქციები უფერულად მოეჩვენებათ

აშშ-ის პრეზიდენტი, დონალდ ტრამპი ერაყს სანქციებით ემუქრება. შეგახსენებთ, ქვეყნის პარლამენტმა ერაყიდან უცხოელი სამხედროების გაყვანის შესახებ რეზოლუცია მიიღო.

„თუ ისინი ჩვენ გვთხოვენ, რომ დავტოვოთ ერაყი, ამას ჩვენ ძალიან მეგობრულად არ გავაკეთებთ. ისეთ სანქციებს დავუწესებთ, როგორიც იქამდე არასდროს უნახავს“,-განაცხადა დონალდ ტრამპმა და დასძინა, რომ ერაყისთვის დაწესებულ სანქციებთან შედარებით, ირანის სანქციები „უფერულად მოეჩვენებათ“.

მისივე თქმით, ერაყმა აშშ-ს უნდა გადაუხადოს, თუ სურს, რომ ამერიკულმა ჯარებმა ქვეყანა დატოვონ.

„ჩვენ გვაქვს ძალიან განსაკუთრებული ავიაბაზები იქ. მათი აშენება მილიარდობით დოლარი დაჯდა ჯერ კიდევ სანამ მე ვიქნებოდი პრეზიდენტი. ჩვენ არსად წავალთ თუ ამ თანხებს უკან არ გადაგვიხდიან“,-განაცხადა ტრამპმა.

შეგახსენებთ, გუშინ, ერაყის პარლამენტმა ერაყის მთავრობისგან მოითხოვა ზომების მიღება, რომ აიკრძალოს ნებისმიერი მიზეზით უცხოური ძალების წარმომადგენლებისთვის ერაყის მიწაზე, საჰაერო სივრცესა და წყალზე გადაადგილება.

ამ ეტაპზე, შეერთებულ შტატებს ერაყში დაახლოებით 5 000 ჯარისკაცი ჰყავს, ძირითადად, მრჩევლების სახით.

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 01.03.2021
კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა