დეკანოზის ჯანმრთელობის მდგომარეობა მძიმეა, იგი ვერ გადაადგილდება, - ამის შესახებ მსჯავრდებული დეკანოზის, გიორგი მამალაძის მამამ, ავთანდილ მამალაძემ ჟურნალისტებს განუცხადა. მისი თქმით, ე.წ. ციანიდის საქმეზე იგი სიმართლეს ვერასდროს დაამტკიცებს.
„ამ ბავშვს თავზე შემოივლებენ, ის სიმართლეს ვერ დაამტკიცებს. მართალი ადამიანი როგორ შეიძლება ასე გამოკეტილი ჰყავდეთ? რომ იძახიან ციანიდიო, სადაა ციანიდი?! ციანიდი მიკერებული იარლიყია," - განაცხადა დეკანოზის მამამ, ავთანდილ მამალაძემ.
შეგახსენებთ, საქართველოს პრეზიდენტმა სალომე ზურაბიშვილმა საშობაოდ 5 მსჯავრდებული შეიწყალა. რაც შეეხება დეკანოზ გიორგი მამალაძეს, პრეზიდენტმა მის შეწყალებაზე უარი თქვა.