საქართველოს საპატრიარქომ ეს წნეხი საზოგადოების მხრიდან 3 წელი ატარა და ახლა ცდილობს სხვა ინსტიტუტზე გადაიტანოს პასუხისმგებლობა. მათ ამ ადამიანის პატიმრობაში დატოვება სურთ ერთადერთი მიზეზის გამო, რომ დეკანოზი დაისაჯოს სამაგალითოდ რათა შემდეგ სხვა სასულიერო პირმა არ გაბედონ ის, რაც მან გაბედა“, - ამის შესახებ დეკანოზ გიორგი მამალაძის ადვოკატმა გიორგი ფანცულაიამ განაცხადა მას შემდეგ, რაც პრეზიდენტმა სალომე ზურაბიშვილმა დეკანოზის შეწყალებაზე უარი თქვა.

ადვოკატის განცხადებით, პრეზიდენტმა სამი წლის თავზეც არ იცის თუ რას ედავებიან დეკანოზ მამალაძეს და საქმეში ვინ არის დაზარალებული. მისივე თქმით, სალომე ზურაბიშვილმა მოსახლეობა ამ განცხადებით შეცდომაში შეიყვანა.

“საქართველოს პრეზიდენტმა სამი წლის თავზე მაინც უნდა იცოდეს, რომ ამ საქმეში არა ეკლესია, არამედ საერო პირი შორენა თეთრუაშვილი არის დაზარალებულად ცნობილი. მან პატრიარქის მოკვდინებაში დაადანაშაულა დეკანოზი, მაშინ როდესაც ამ საქმეზე სამი ინსტაციის სასმართლო დასრულდა და დაზარალებული შორენა თეთრუაშვილია. მან შეიყვანა საზოგადოება შეცდომაში და მოატყუა. ახალი წესებით აპელირებაც არის საზოგადოების მოტყუება, რადგან კონსტიტუცია მას უპირობოდ აძლევს ნებისმიერი მოქალაქის შეწყალების უფლებას. სირცხვილია, მან სამი წლის თავზე ის მაინც უნდა იცოდეს თუ რას ედავებიან დეკანოზს და ვინ არის ამ საქმეში დაზარალებული”, - განაცხადა გიორგი ფანცულაიამ.

შეგახსენებთ, რომ საქართველოს პრეზიდენტმა მსჯავრდებული დეკანოზის, გიორგი მამალაძის შეწყალებაზე უარი თქვა.

„პატრიარქის ავტორიტეტისა და მისი სიცოცხლის ხელყოფა ნიშნავს საქართველოს ხელყოფას. ბოლოს მინდა ვთქვა, რომ ეს ჩემი მყარი გადაწყვეტილებაა და მე არ მექნებოდა პასუხი იმაზე, თუ რა მაგალითზე უნდა გავზარდოთ ჩვენი შვილები და შემდეგი თაობა. ალბათ, იკითხავთ რატომ არ გავითვალისწინე წმინდა სინოდის თხოვნა - ამაზე პასუხი ის გახლავთ, რომ შეწყალება ეკლესიის წიაღში, რომელიც არსებითად ქრისტიანულია და შეწყალება სახელმწიფოს მხრიდან ერთმანეთისგან განსხვავდება“, - განაცხადა ზურაბიშვილმა.

იხილეთ ვიდეო