თბილისის საქალაქო სასამართლოს მოსამართლე ნიკოლოზ მარსაგაშვილმა, დაცვის მხარის შუამდგომლობა, ხორავას ქუჩაზე დავით სარალიძის განზრახ ჯგუფურად მკვლელობის ბრალდებით დაკავებული მიხეილ კალანდიასთვის პატიმრობის გირაოთი შეცვლის თაობაზე, არ დააკმაყოფილა.

კალანდიას ადვოკატი, ზურაბ თოდუა პატიმრობის 5 000-ლარიანი გირაოთი შეცვლას ითხოვდა. დღევანდელ სასამართლო პროცესზე დაცვის მხარემ საქმის პოლიტიკურ სარჩულზე ისაუბრა და განაცხადა, რომ ამ საქმეში პოლიტიკური ინტერესი იკვეთება და მას სამართლებრივი საფუძველი არ აქვს. თავის მხრივ, ბრალდების მხარემ განაცხადა, რომ ის აღკვეთი ღონისძიების შეცვლის საფუძველს ვერ ხედავს.

დღევანდელ სხდომაზე მოსამართლეს თავად ბრალდებულმა, მიხეილ კალანდიამ მიმართა. მისი თქმით, მიმალვის, მოწმეებზე ზემოქმედებისა და მტკიცებულებების განადგურების საფუძველი არ აქვს.