არჩილ თალაკვაძის განცხადებით, გიორგი მამალაძის შეწყალებაზე უარი „ნამდვილად პრეზიდენტის დამოუკიდებელი გადაწყვეტილებაა“

ეს გადაწყვეტილება ნამდვილად არის მისი დამოუკიდებელი გადაწყვეტილება, - ამის შესახებ საქართველოს პარლამენტის თავმჯდომარე არჩილ თალაკვაძემ ჟურნალისტებს, დეკანოზ გიორგი მამალაძის შეწყალებაზე უარის თქმასთან დაკავშირებით პრეზიდენტის გადაწყვეტილებაზე კომენტირებისას განუცხადა.

მისივე შეფასებით, პრეზიდენტმა შეწყალების პრინციპებთან დაკავშირებით სწორი და სახელმწიფოებრივი აქცენტები გააკეთა.

„კონსტიტუციით და კანონმდებლობით პრეზიდენტს აქვს დისკრეცია, რომ თავად მიიღოს შეწყალებასთან დაკავშირებით გადაწყვეტილება . ბევრი საქმე იყო განხილული როგორც ჩანს, მე არ ვიცნობ თვითონ ამ ადამიანების საქმეებს, ვინც მიმართეს შეწყალებით, თუმცა მინდა გითხრათ, რომ პრეზიდენტის აქცენტები შეწყალების პრინციპებთან დაკავშირებით იყო სწორი და სახელმწიფოებრივი. რა თქმა უნდა, შეწყალება ვერ იქნება გამოყენებული მართლმსაჯულების პროცესის ალტერნატივად და შეწყალება ვერ იქნება რაოდენობრივად ისეთი მასშტაბის, როგორც ეს იყო წინა შემთხვევებში. ამ მიმართულებით პრეზიდენტმა გადადგა ძალიან მკაფიო ნაბიჯები, რათა საქართველოში შეწყალების პროცესი დაემსგავსოს პრაქტიკას და მექანიზმებს, რომელიც არის აშშ-სა და ევროპაში. დანარჩენი უნდა გააკეთოს ალტერნატიულმა მექანიზმებმა, ეს არის პირობით ვადამდე გათავისუფლება, ელექტრონული პატიმრობა, ეს არის დაწესებულებები, სადაც შაბათ- კვირას პატიმრები ოჯახებში მიდიან,“- განაცხადა არჩილ თალაკვაძემ.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია