ადვოკატი - სასამართლოს დღევანდელი გადაწყვეტილება კიდევ ერთხელ უსვამს ხაზს ჩემს მოსაზრებას, რომ მიხეილ კალანდიას მიმართ არსებული საქმე არის პოლიტიკური დაკვეთა

სასამართლოს დღევანდელი გადაწყვეტილება კიდევ ერთხელ უსვამს ხაზს ჩემს მოსაზრებას იმის თაობაზე, რომ მიხეილ კალანდიას მიმართ არსებული სისხლის სამართლის საქმე არის პოლიტიკური დაკვეთის პროდუქტი, - ამის შესახებ ჟურნალისტებს ხორავას ქუჩაზე დავით სარალიძის განზრაც ჯგუფურად მკვლელობის ბრალდებით დაკავებული მიხეილ კალანდიას ადვოკატმა, ზურაბ თოდუამ სასამართლოს მიერ კალანდიას პატიმრობაში დატოვებასთან დაკავშირებით განუცხადა.

როგორც სხდომის დასრულების შემდეგ ადვოკატმა აღნიშნა, სასამართლოს მიერ მოყვანილი არგუმენტები უსუსურია.

„სასამართლოს დასაბუთება საერთოდ ამოვარდნილია სამართლებრივი კონტექსტიდან და კიდევ ერთხელ უსვამს ხაზს ჩემს მოსაზრებას იმის თაობაზე, რომ მიხეილ კალანდიას მიმართ არსებული სისხლის სამართლის საქმე არის პოლიტიკური დაკვეთის პროდუქტი და მისი გაგრძელება, რამეთუ არგუმენტები, რომელიც სასამართლომ მოიყვანა დღეს აღკვეთის ღონისძიების ძალაში დატოვების შესახებ, არის სრულიად უსუსური. კერძოდ, თურმე მიხეილ კალანდიას მხრიდან არსებობს ახალი დანაშაულის ჩადენის საფრთხე და თურმე, მას გააჩნია შესაძლებლობა დარჩენილ მოწმეებზე ფსიქოლოგიური ზეწოლის. აღვნიშვნავ, რომ დასაკითხია მხოლოდ 20 თუ 21 მოწმე, რომელთაგან უდიდესი ნაწილი არის პოლიციის თანამშრომელი, ხოლო სამი პირი მოთავსებულია სასჯელაღსრულების დაწესებულებაში. აქედან გამომდინარე არგუმენტი იმის თაობაზე, რომ არსებობს თუნდაც მცირეოდენი ალბათობაც კი, რომ კალანდიას მოწმეებზე ზემოქმედების შესაძლებლობა გაუჩნდებოდა, საერთოდ უსუსურია. რაც შეეხება ახალი დანაშაულის ჩადენის საფრთხეს - ესეც მოგონილია", - განაცხადა ადვოკატმა.

რაც შეეხება საქმის პროკურორს, მირიან მეგრელიშვილს, მისი თქმით, არსებობს მიხეილ კალანდიას პატიმრობაში დატოვების აუცილებლობა, რადგან ბრალდებულის მხრიდან მიმალვის, მოწმეებზე ზემოქმედებისა და მტკიცებულებების განადგურების საფრთხე კვლავ არსებობს.

შეგახსენებთ, თბილისის საქალაქო სასამართლოს მოსამართლე ნიკოლოზ მარსაგიშვილმა მიხეილ კალანდია პატიმრობაში დატოვა. საქმეზე მორიგი სასამართლო სხდომა 9 იანვარს, 12:00 საათზე გაიმართება.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა