გეგმური სარეაბილიტაციო სამუშაოების გამო, „ენერგო-პრო ჯორჯიას“ აბონენტების ნაწილს ელექტროენერგიის მიწოდება შეეზღუდება. როგორც „ინტერპრესნიუსს“ „ენერგო-პრო ჯორჯიადან” აცნობეს, გამანაწილებელ ქსელში დაგეგმილი სარეაბილიტაციო სამუშაოების გამო, 8 იანვარს 11:00-დან 14:00 საათამდე ენერგომომარაგება დროებით შეეზღუდებათ აბონენტებს მცხეთის მუნიციპალიტეტის სოფლებში: წეროვანი, ნატახტარი, ჩარდახი, გოროვანი, სხალტბა, მისაქციელი და მიმდებარე სოფლებში.

ასევე, კომპანიის ცნობით, 12:00-დან 13:00 საათამდე ელექტროენერგია გაეთიშებათ დუშეთის მუნიციპალიტეტის სოფლებს: თანიანთკარი, მეზვრიაანი, ყვავილი, ქვემო აში, ზემო აში, ქერანა, ნანიაანი, ხოლო 12:00-დან 13:00 საათამდე - დუშეთში რუსთაველის, ფარნავაზის, იოსელიანის, ერისთავის, არაგვისპირელის და მიმდებარე ქუჩებს, სოფლებს სულიკიანთკარი, კობიაანთკარი, შალიკიანთკარი, მთვარელიანი და მიმდებარე სოფლებს.

კომპანიის ინფორმაციით, სარეაბილიტაციო სამუშაოების დასრულებისთანავე ელექტროენერგიის მიწოდება ჩვეულ რეჟიმში აღდგება.