რელიგიის საკითხთა სახელმწიფო სააგენტო ყველა მართლმადიდებელს შობის ბრწყინვალე დღესასწაულს ულოცავს

რელიგიის საკითხთა სახელმწიფო სააგენტოს თავმჯდომარე, ზაზა ვაშაყმაძე სამების საკათედრო ტაძარში საშობაო ლიტურგიას დაესწრო. ამის შესახებ „ინტერპრესნიუსს“ რელიგიის საკითხთა სახელმწიფო სააგენტოდან აცნობეს.

რელიგიის საკითხთა სახელმწიფო სააგენტო საქართველოს სამოციქულო ავტოკეფალურ მართლმადიდებელ წმინდა ეკლესიას და ყველა მართლმადიდებელს ქრისტეშობის ბრწყინვალე დღესასწაულს ულოცავს.

„დღეს მართლმადიდებელი სამყარო განსაკუთრებულად ზეიმობს - საშობაო ლიტურგია იმართება საქართველოს ყველა მართლმადიდებლურ ტაძარში, საშობაო სანთლები აციმციმდება ფანჯრებში, ჩვენ უდიდეს მოვლენას, მაცხოვრის შობას აღვნიშნავთ. ქრისტეს შობამ არა მხოლოდ ახალ წელთაღრიცხვას, არამედ ახალ სულიერებას, ახალ ადამიანს, ახალ ღირებულებით სისტემას დაუდო სათავე და სამყარო შეცვალა. შობის ყოველწლიური მისტერია იმედის სიმბოლოა, რომ ჩვენს გულებშიც იშვას მაცხოვარი, რომ რწმენამ და სიყვარულმა გაგვაერთიანოს ჩვენი სამშობლოს საკეთილდღეოდ.

ქრისტეშობის დღესასწაულთან დაკავშირებით, რელიგიის საკითხთა სახელმწიფო სააგენტოს თავმჯდომარე, ზაზა ვაშაყმაძე სამების საკათედრო ტაძარში საშობაო ლიტურგიას დაესწრო, რომელსაც საქართველოს კათოლიკოს-პატრიარქი, უწმინდესი და უნეტარესი, ილია მეორე უძღვებოდა. სამების საკათედრო ტაძარში იმყოფებოდნენ საქართველოს პრემიერ-მინისტრი, გიორგი გახარია, პარლამენტის თავმჯდომარე, არჩილ თალაკვაძე, ხელისუფლების წარმომადგენლები და ოფიციალური პირები.

რელიგიის საკითხთა სახელმწიფო სააგენტო ქრისტეშობის ბრწყინვალე დღესასწაულს ულოცავს საქართველოს სამოციქულო ავტოკეფალურ მართლმადიდებელ წმინდა ეკლესიას, ყველა მართლმადიდებელს და მშვიდობას, სიკეთეს, სიხარულს გისურვებთ თქვენ, თქვენს ოჯახებსა და სრულიად საქართველოს!“-ნათქვამია ინფორმაციაში.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა