აშშ-ში ჯარისკაცებს ახლო აღმოსავლეთში აცილებენ - „ჩვენ ომში მივდივართ მეგობარო!“

შეერთებულ შტატებში 82-ე საჰაერო დივიზიის ჯარისკაცებს შუა აღმოსავლეთში აცილებენ. მედიის ინფორმაციით, ჯარისკაცებს ნათესავები და ახლობლები განსაკუთრებით ემოციურად ემშვიდობებიან.

„ჩვენ ომში მივდივართ მეგობარო“, ამ სიტყვებით ერთ-ერთმა სამხედრომ იქ შეკრებილებს მიმართა. კიდევ ერთმა ჯარისკაცმა „როიტერსს“ განუცხადა, რომ მას არ გაკვირვებია, როცა ბრძანება მიიღო.

„ახალ ამბებს ვუყურებდი, ვხედავდი როგორ ვითარდებოდა მოვლენები. შემდეგ შეტყობინება მივიღე სერჟანტისგან, რომელიც მწერდა: „არსად წახვიდე“. მივხვდი, ეს ის იყო“,-განუცხადა 27 წლის ჯარისკაცმა „როიტერსს“.

როგორც CNN წერს, გამგზავრებამდე ჯარისკაცებს მობილური ტელეფონები ჩამოართვეს. პოლკოვნიკ, მაიქლ ბარნის თქმით, ეს უჩვეულო გადაწყვეტილება უსაფრთხოების ზომების გამო მიიღეს.

„ჩვენ ჩვენს ჯარისკაცებს რისკის ქვეშ ვერ დავაყენებთ“,-განაცხადა ბარნსმა.

როგორც ცნობილია, აღნიშნული ქვედანაყოფი აშშ-ის სწრაფი რეაგირების ძალების ერთ-ერთი ყველაზე მობილური ჯგუფია. კონფიდენციალურია, რომელი ქვეყნის ტერიტორიაზე მოხდება მათი საბოლოო დისლოცირება, თუმცა თავდაპირველად ისინი ქუვეითში ჩაფრინდებიან.

ასლან ბჟანია - სოხუმსა და თბილისს შორის დიალოგი უნდა იყოს, როგორ ფორმატში, რა ფორმით, მნიშვნელობა არ აქვს
ქართული პრესის მიმოხილვა 17.01.2020
ვახტანგ ძაბირაძე - იმ ვითარებაში, როგორშიც ახლა ოპოზიციაა, ხელისუფლებას, რა თქმა უნდა, აქვს ძალაუფლების შენარჩუნების შანსი
რას უტოვებს ტექნიკური უნივერსიტეტის კანცლერი შემცვლელს - კარლო კოპალიანს?
Livo.ge-ზე უძრავი ქონების სერტიფიცირებული შეფასება 24 საათში 39 ლარად არის შესაძლებელი
სილქნეტის ოპტიკურ ქსელში დღეიდან სატელევიზიო პაკეტები იცვლება
კომპანია „თბილღვინომ“ 50 რჩეული მასპინძელი გამოავლინა