გარდაცვლილი 15 წლის მოზარდის საქმეზე დაკავებული გამომძიებლის ადვოკატი გამორიცხავს, რომ მარიანა ჩოლოიანს საპროცესო შეთანხმება გაუფორმდეს

გარდაცვლილი 15 წლის ლუკა სირაძის მიმართ ჩვენების იძულების ფაქტზე დაკავებულ გამომძიებელთან, მარიანა ჩოლოიანთან საპროცესო შეთანხმების გაფორმებას მისი ადვოკატი თეონა გვაზავა გამორიცხავს.

გვაზავა „ინტერპრესნიუსთან“ საუბარში უარყოფს გავრცელებულ ინფორმაციას, რომლის მიხედვითაც, ჩოლოიანს საპროცესო შეთანხმება შესაძლოა, გაუფორმდეს. როგორც გვაზავა აცხადებს, საპროცესო შეთანხმებისთვის აუცილებელი პირობაა, ბრალდებულმა წარდგენილი ბრალი აღიაროს, მარიანა ჩოლოიანი კი ბრალს არ აღიარებს. ამასთან, საპროცესო შეთანხმების მიღწევისთვის დაზარალებულის თანხმობაცაა საჭირო.

გვაზავა ასევე აცხადებს, რომ საპროცესო შეთანხმებასთან დაკავშირებით საუბარი წერილობითი განცხადებით იწყება, რითიც დაცვის მხარე პროკურატურას მიმართავს, აღნიშნული კი მათ არ გაუკეთებიათ.

ცნობისთვის, ლუკა სირაძის მიმართ ჩვენების იძულების ფაქტზე თბილისის საქალაქო სასამართლომ მარიანა ჩოლოიანს აღკვეთის ღონისძიების სახით პატიმრობა შეუფარდა.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა