საქართველოს საგარეო საქმეთა მინისტრი, დავით ზალკალიანი ირანში უკრაინული თვითმფრინავის კატასტროფის გამო მწუხარებას გამოთქვამს.

„ღრმად დამწუხრებული ვართ ინფორმაციით, რომლის მიხედვითაც ურაინის თვითმფრინავმა ირანში კატასტროფა განიცადა და ბორტზე მყოფი ყველა მგზავრი დაიღუპა. გულწრფელ სამძიმარს ვუცხადებთ იმ ადამიანების ოჯახებს, რომელთაც საყვარელი ადამიანები ამ საშინელი ტრაგედიის დროს დაკარგეს“, - ნათქვამია მინისტრის მიერ „ტვიტერის“ გვერდზე გამოქვეყნებულ განცხადებაში.

შეგახსენებთ, რამდენიმე საათის წინ უკრაინის საერთაშორისო ავიახაზების კუთვნილმა ბოინგ-737-ის ტიპის თვითმფრინავმა ირანში კატასტროფა განიცადა. ბორტზე 180-მდე ადამიანი იმყოფებოდა. წინასწარი ინფორმაციით, თვითმფრინავში მყოფი ყველა პირი დაიღუპა.