გიორგი ვაშაძე - უკანონო ქმედებების გამო, ხელისუფლებაში მყოფ ყველა საჯარო მოხელეს სანქციები დაეკისრება

„ხელისუფლებაში მყოფ ყველა საჯარო მოხელეს უკანონო ქმედებების გამო სანქციები დაეკისრება“, - ამის შესახებ „ახალი საქართველოს“ თავმჯდომარემ გიორგი ვაშაძემ განაცხადა.

გაერთიანებული ოპოზიციის მიერ შემუშავებულ „შავ სიასთან“ დაკავშირებით გიორგი ვაშაძემ თოქ-შოუ „360 გრადუსში“ ისაუბრა და აღნიშნა, რომ „შავი სია“ ორ ნაწილად იყოფა - ლიდერები, რომლებიც გასცემენ დანაშაულებრივი ქმედების შემცველ ბრძანებებს და ადამიანები, რომლებიც უშუალოდ ასრულებენ კონკრეტულ დავალებებს.

როგორც ვაშაძე აღნიშნავს, მოხდება სიაში შესული პირების იდენტიფიცირება და მათ მიმართ მკაცრი სანქციები შემუშავდება.

„საარჩევნო წელი მოდის და ყველა საჯარო პირი, მოსამართლე იქნება ეს თუ პროკურორი არ აქვს მნიშვნელობა, ვინც ასრულებს უკანონო ქმედებებს მოხდება მათი იდენტიფიცირება, საერთაშორისო ორგანიზაციებში შესაბამისი დახასიათება, შესაბამისი შინაარსითვე გადაიგზავნება, მსგავსი სიები საერთაშორისო პრაქტიკისთვის უკვე ცნობილია.

თითოეულმა ადამიანმა, რომელიც ასრულებს უკანონო დავალებებს ხელისუფლების მხრიდან, ერთი რამ უნდა იცოდეს, რომ არც ერთი მათი უკანონო ქმედება რეაგირების გარეშე არ დარჩება. მერწმუნეთ, რომ შენგენის ზონაში, ამერიკის საემიგრაციო სამსახური ძალიან ბედნიერი იქნება თუ შეამცირებს საკუთარ ქვეყანაში მოძალადეების შესვლის რისკებს.

ეს არის ძალიან სერიოზული მზადება, რომელიც ოპოზიციამ დაიწყო და ხელისუფლების წარმომადგენლების მიერ გაკეთებული განცხადება ამტკიცებს, რომ ჩვენ სწორ გზას ვადგავართ. ჩვენ ვმუშაობთ მწყობრად, სისტემურად, კონკრეტული ნაბიჯებით და კიდევ ბევრი მექანიზმი გვაქვს შემუშავებული“- განაცხადა გიორგი ვაშაძემ.

რასიმ მუსაბეკოვი  -  ის, რასაც პოსტსაბჭოთა სივრცეში სეპარატისტული „ბარდაკი“ ჰქვია, უნდა დასრულდეს
სტეპან გრიგორიანი - თუ აზერბაიჯანულ-სომხურ დაპირისპირებაში  თურქეთი ჩაერევა, ასეთ შემთხვევაში ამ პროცესში რუსეთიც ჩაერთვება
ქართული პრესის მიმოხილვა 30.09.2020
გიორგი მელიქიძე - საპენსიო სააგენტოს საინვესტიციო საქმიანობის შედეგი გამოიხატება მონაწილეებისათვის ადეკვატური პენსიით
წარმოების სრული ავტომატიზაცია - „გზაჯვარედინისა“ და BDO-ს პარტნიორობის წარმატებული ქეისი
ფინკა ბანკის მმართველ გუნდს ირაკლი ელაშვილი უხელმძღვანელებს
ჰიუნდაი ავტო საქართველო საშემოდგომო ფასდაკლებების აქციას იწყებს
"მადლიერების ჩიტი" ბატონ ჯემალ ჭკუასელს