გეგმური სარეაბილიტაციო სამუშაოების გამო, ელექტროენერგიის მიწოდება „ენერგო-პრო ჯორჯიას“ აბონენტების ნაწილს შეეზღუდება. ამის შესახებ „ინტერპრესნიუსს“ კომპანია „ენერგო-პრო ჯორჯიადან“ აცნობეს.
მათივე ინფორმაციით, 9 იანვარს 11:00 საათიდან 12:00 საათამდე ენერგომომარაგება დროებით შეეზღუდებათ აბონენტებს მცხეთის მუნიციპალიტეტის სოფელ წეროვანში, ხოლო 12:00-დან 13:00 საათამდე სოფლებში: წილკანი, ფრეზეთი, ერედა, ახალდაბა, უფურეთი, მილისწყარო, სელექცია.
12:00-დან 13:00 საათამდე ელექტროენერგია ასევე გაეთიშებათ მომხმარებლებს დაბა ფასანაურში და დუშეთის მუნიციპალიტეტის სოფლებში: წითლიანა, ცხვედიეთი, ხევშა, წიფორი, ჭიკაანი, ქოჩორაანი, ბიბილაანი და ქავთარაანი.
რაც შეეხება თიანეთის რაიონს, 11:00 საათიდან 17:00 საათამდე დენი შეუწყდებათ თიანეთის რაიონის სოფლებში: ღულელები, სიმონიანთხევი, ხევსურთსოფელი, დევენაანთხევი, კვერნაულა, ევჟენტი, ბოკონი, გუდანელები და მიმდებარე სოფლებს.
სარეაბილიტაციო სამუშაოების დასრულებისთანავე ელექტროენერგიის მიწოდება ჩვეულ რეჟიმში აღდგება.