მთავრობა „ანაკლიის განვითარების კონსორციუმთან“ ხელშეკრულების საკითხზე ხვალინდელ სხდომაზე იმსჯელებს

საქართველოს მთავრობა „ანაკლიის განვითარების კონსორციუმთან“ გაფორმებული ხელშეკრულების საკითხზე ხვალინდელ სხდომაზე იმსჯელებს. ამის შესახებ ჟურნალისტებს რეგიონული განვითარებისა და ინფრასტრუქტურის მინისტრმა მაია ცქიტიშვილმა განუცხადა.

სწორედ მინისტრთა კაბინეტმა უნდა მიიღოს გადაწყვეტილება, შეუწყდება თუ არა ხელშეკრულება „ანაკლიის განვითარების კონსორციუმს“, რომელსაც ვალდებულებების შესრულების ვადა 31 დეკემბერს ამოეწურა. რეგიონული განვითარების სამინისტროს ინფორმაციით, კონსორციუმმა ვალდებულებების შესრულება ვერ შეძლო.

„ჩვენ ხვალ გვაქვს მთავრობის სხდომა და მთავრობის სხდომის ფარგლებში ამ საკითხის განხილვას ვგეგმავთ. ხვალ, მთავრობის სხდომის დასრულების შემდეგ დეტალურად მოგახსენებთ ანაკლიის კონსორციუმთან ურთიერთობის გაგრძელების თაობაზე“, -განაცხადა მაია ცქიტიშვილმა.

მთავრობის მიერ ბოლო გადავადების შედეგად კონსორციუმს სწორედ 31 დეკემბრამდე მიეცა ვალდებულებების შესრულების, კერძოდ, პოტენციურ ინვესტორებთან 120 მილიონი აშშ დოლარის ოდენობის კონსორციუმის საკუთარი კაპიტალის შევსების თაობაზე შეთანხმების, ასევე საერთაშორისო ბანკებთან ( EBRD, OPIC, ADB, AIIB ) 400 მილიონი აშშ დოლარის ოდენობით სესხის გამოყოფის თაობაზე შეთანხმების მიღწევისა და ხელშეკრულების გაფორმების, პორტის პირველი ფაზის ტერმინალის ოპერატორთან და სამშენებლო სამუშაოების კონტრაქტორთან ხელშეკრულების გაფორმების ვადა.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება