რეჯეფ თაიფ ერდოღანმა და ვლადიმერ პუტინმა გაზსადენი „თურქეთის ნაკადი“ გახსნეს, რომელიც რუსულ ბუნებრივ აირს თურქეთის გავლით სამხრეთ ევროპის ქვეყნებს მიაწვდის. პრეზიდენტებმა შეხვედრის დროს გაზსადენის მნიშვნელობაზე ისაუბრეს. ლიდერების საუბრის ერთ-ერთი მთავარი თემა ერაყსა და ირანში მიმდინარე მოვლენებიც იყო.
აღსანიშნავია, რომ გაზსადენი „თურქული ნაკადი“ TurkStream პირდაპირ აკავშირებს რუსეთს თურქეთთან შავი ზღვის გავლით. მისი საშუალებით რუსეთიდან თურქეთში ყოველწლიურად 31,5 მილიარდი კუბური მეტრი გაზის ტრანსპორტირება იგეგმება. ის რუსეთის ქალაქ ანაპაში იწყება და 930 კმ მანძილს ზღვის ფსკერზე გადის და თრაკიაში, სტამბოლთან ახლოს, ქალაქ კიიკეიში სრულდება.