ვლადიმირ ზელენსკიმ უკრაინაში გლოვის დღე გამოაცხადა

უკრაინის პრეზიდენტმა ვლადიმირ ზელენსკიმ თეირანთან, „უკრაინის საერთაშორისო ავიახაზების“ თვითმფრინავის კატასტროფის გამო, უკრაინაში 9 იანვარი გლოვის დღედ გამოაცხადა. ამის შესახებ უკრაინის პრეზიდენტის ოფიციალურ ვებგვერდზე განთავსებულ ინფორმაციაშია ნათქვამი.

აღნიშნულთან დაკავშირებით ზელენსკიმ შესაბამისი ბრძანება გამოსცა.

პრეზიდენტის გადაწყვეტილებით, „ბოინგ 737“-ის ჩამოვარდნის შედეგად გარდაცვლილთა ხსოვნის საპატივსაცემოდ უკრაინაში ხელისუფლების სტრუქტურების, ადგილობრივი თვითმმართველობების, სახელმწიფო უწყებების, ინსტიტუტთა და ორგანიზაციების შენობებზე სახელმწიფო დროშები დაეშვება.

პრეზიდენტის ბრძანებით, ასევე უქმდება გასართობი და საკონცერტო ღონისძიებები.

შეგახსენებთ, რომ უკრაინულმა თვითმფრინავმა თეირანის აეროპორტის სიახლოვეს კატასტროფა განიცადა. „ბოინგ 737“-ზე უკრაინის 11 მოქალაქე იმყოფებოდა (მათ შორის, 2 მგზავრი და ეკიპაჟის 9 წევრი), ასევე, კანადის 63 მოქალაქე, 82 - ირანის, 3 - გერმანიის, 10 - შვედეთის, 4 - ავღანეთის, 3 კი - დიდი ბრიტანეთის.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა